Warar dheeraad ah ayaa kasoo baxaya khasaaraha ka dhashay dagaallada maalmahan ka dhacayey degaanno ka tirsan Gobolka Galguduud kuna teedsan xuduudda Soomaaliya iyo Itoobiya.
Wararkii ugu dambeeyey ee khasaaraha dagaalladan waxa ay sheegayeen in tobaneeyo qof ay ku geeriyoodeen, qaar badan oo dhaawac ahna la geeyey isbitaalada.
Dadka deegaanka gobolka Galgaduud ayaa sheegaya in dad rayid ah, oo ay ku jiraan haween iyo caruur ah lagu dilay dagaalada.
Si kastaba, xaaladda deegaanada dagaaladu ay ka dhaceen ayaa maanta degan, hase yeeshee ma jiraan heshiisyo rasmi ah oo laga gaaray dagaaladan.
Warbixintan waxaa Gaalkacyo kasoo diray weriyaheena Cabdi Waaxid Macalim Isxaaq.
