Waxaa heshiis is-afgarad ah laga gaadhay wada-hadallo maalmihii dhowaa u socday odayaasha qabaa’ilka gobolka Hiiraan iyo madaxweynaha Soomaaliya Xasan Sheekh Maxamuud oo booqasho ku jooga magaalada Beledweyne.
Heshiiskan ayaa waxaa la iskula raacay in magaalada Jowhar ee xarunta gobolka Shabeellaha Dhexe ay noqoto madasha shirka lagu dhisayo maamulka Shabeellaha Dhexe iyo Hiiraan.
Waxaa sidoo kale la isku raacay in magaalada Buuloburde ee gobolka Hiiraan ay noqoto caasimadda maamulka cusub ee loo dhisi doono labada gobol.
Wasiirka arrimaha gudaha iyo federaalka Cabdiraxmaan Odowaa oo saxaafadda kula hadlay Beledweyne ayaa sheegay in madaxweynaha labada gobol uu noqonayo mid loo tartamo oo aan heshiiska ku jirin.
Warbixintan waxaa Beledweyne nooga soo diray Xuseen Xasan Dhaqane.