Qarax culus ayaa ka dhacay agagaarka Maka Al-Mukarama Hotel ee magaalada Muqdishu sida ay goobjoogayaal u sheegeen idaacadda VOA.
Ugu yaraan shan qof oo u badan rayid ayaa la sheegay inay weerarkan ku dhaawacmeen.
Weerarkan ayaa la sheegay inuu ka dhashay walxaha qarxa oo lagu soo dhex-qariyey baabuur la dhigay waddo u dhow huteelka.
Aragagax ayaa la sheegay inuu ka dhacay goobta markii uu qaraxu dhacay kadib.
Mas'uuliyiinta amniga ee dawladda ayaa markiiba goobta gaadhay, iyaga oo isku wareejiyey halkaasi.