Afhayeenka AMISOM, Major Paddy Ankunda ayaa sheegay in bixista al-Shabaab ee Muqdisho ay muujinayso in dagaalka looga adkaaday Shabaabka
Afhayeenka ciidamada nabad-ilaalinta ee AMISOM, Major Paddy Ankunda ayaa VOA u sheegay in kooxda al-shabaab laga adkaaday, sababta ay uga baxday Muqdisho uu yahay iyagoon sii wadi karin dagaalka Muqdisho.
Afhayeenka AMISOM, wuxuu xusay in maleeshiyo ka tirsan Al-shabab ay imika ku sugan yihiin degmada Deyniile, wuxuu kaloo sheegay inay la wareegi doonaan fadhiisimahii ay kooxda al-shabaab banneysay.
Afhayeenku wuxuu ka bixidda al-shabaab ee Muqdisho ku sheegay inay sahli doonto in mucaawinnada la gaadhsiiyo dadka u baahan.