Kyiv —
Inkastoo badi Soomaalidii dalkaasi Ukraine ku sugnaa ay kasoo baxeen, ayaa wali jira dad aanay u suurtoobin inay dagaalka kasoo cararaan, waxaana dadkaasi ka mid ah Sahra Maxamed Cabdi oo ka mid ahayd dadkii ku noolaa magaalada Kyiv.
Sahra ayaa VOA u sheegtay inay haatan kasoo baxday magaaladaasi caasimada ah kadib markii ay gacan ka heshay haweenay u dhalatay dalkaasi.
Sahra oo sida ay sheegtay lasoo qaxday wiil 8 sano jira oo ay dhashay ayaa waxa ay khadka telefoonka ugu warantay Cabdixakiim Maxamuud Shirwac, waxaana uu ugu horeyn weydiiyay halka ay ku sugan tahay.
