Toronto —
Urur ka dhisan magaalada Toronto ee dalka Canada oo lagu magacaabo Somali Women's and Children's Support Network ayaa dhallinyaro Soomaali ah guddoonsiiyay abaal-marinno ay kamid yihiin ilaa 30 kombiyuutarrada laptop-ka ah iyo agab kale oo lagu cayaaro kubadda.
Abaal-marinta ayaa lagu sheegay mid lagu dhiirragelinayo dhallinyarada, si looga weeciyo falalka aan wanaagsaneyn ee u horseedi kara dhibaatooyin kala duwan.
Haddaba wariyaha VOA-da ee Canada Xuseen Nuur Xaaji oo ka qeyb galay barnaamijka abaalmarinta ayaa Farxiya Gacal oo madax u ah ururkaasi waydiiyay ujeedka barnaamijka.
