Kowdii bishan March, Ururka ONLF ayaa soo saaray war-murtiyeed ay ku sheegeen in dowladda Itoobiya ay ka baxday heshiiskii ay la gashay ururkooda 2018-kii.
Garab sheegtay inay ka mid yihiin ururka ONLF ayaa maalintii Talaadada shir jaraa’id oo ay arrintaas ku beeninayaan ku qabtay magaalada Jigjiga, iyagoo soo saaray go’aan ay ku diiddan yihiin arrimahaas.
Haddaba, Muxumed Sheekh Badri, oo ah hoggaanka arrimaha ururka Jabhadda Wadaniga Xoraynta Ogaadeeniya, ayaa wariyaha Jigjiga Maxamed Cabdiraxmaan Ugaas Gaataa uga warramay shirkaasi ay qabteen.
Dhinaca kale, afhayeenka ururka ONLF, Caddaani Hirmooge, ayaa ka jawaabay diidamada garabka ku shiray Jigjiga, isagoo faahfaahin ka bixiyay waxyaabihii keenay inuu burburro heshiiska ay la galeen dowladda Itoobiya.
Caddaani ayaa dhinaca kale ka hadlay xubnaha ku shiray Jigjiga, oo ku tilmaamay inay biireen siyaasad ahaan maamulka deegaanka, laakiin laga dhigayo ONLF.
Haddaba, wariyaha VOA-da Cabdulqaadir Maxamed Mursal Samakaab, oo khadka telefoonka kula xiriiray, ayaa marka hore weydiiyay heshiiska ay sheegeen inuu burburay iyo xubnaha ururkooda ee kasoo horjeestay.
Madal