Dagaalka Sudan ayaa galay maalintiisii 6-aad iyadoo ay jiraan dadaalo sadex geesood ah oo ay si wadajir ah u wadaan Qaramada Midoobay, Midowga Afrika iyo urur goboleedka IGAD sidii loo soo afjari lahaa dagaalka u dhexeeya milatariga iyo xoogaga hubaysan ee ciidamada kaalmada degdegga ah ama loo yaqaano RSF.
Haddaba Ridwaan Xaaji Cabdiweli ayaa khadka taleefanka ee Khartuum kula xiriiray Maxamed Biixi Yoonis oo ah La-taliye sare oo IGAD u qaabislan wada hadalada Sudan, horayna usoo noqday wasiirkii Arrimaha dibadda ee Somaliland, ugu hooreyn waxaa uu ka hadlayaa xaaladda magaalada Khartuum.
