Deeqo Dhalac oo sanadkii 2021 noqotey haweeneydii ugu horeysey ee Somali-Mareykanka, Muslim, Madow iyo soo-galooti ah oo loo doorto duqa magaalada South Portland ee gobolka Maine ee dalka Mareykanka ayaa haatan u tartamayso xildhibaan barlamaanka gobolkeeda ah.
Deeqo oo kasoo baxdey magaalo 95% dadkeeda ay yhiin caddaan, kana mid ah gobolada aanan laga soo dhoweynin dadka soo galootiga, ayaa haatan waxey doonaysaa inay markale taariikh sameyso.
Sheekada Deeqo Dhalac oo ah hooyo leh 3 caruur ah waa mid xiiso leh. Sahra Cabdi Axmed oo ku booqatey magaaladaasi lagu doortey Deeqo Dhalac ayaa wareysi ay la yeelatey warbixintan gaar ah nooga diyaarisey.
