Xulka Qaranka K/cagta Talyaaniga ayaa noqday xulkii ugu horreeyay ee gaara wareegga 16-ka ee koobka k/cagta ee Qaaradda Qaaradda Yurub, kaddib markii ay Arbacadii 3-0 uga adkaadeen xulka Switzerland.
Qaranka Talyaaniga ee Azzuri oo aan laga badin 29-kii kulan ee ugu dambeysay ayaa guuleystay 10-kii kulan ee ugu dambeeyay iyaga oo aan wax gool ah laga dhalin, waxaana Talyaanigu uu haatan ku jiraa kaalinta kowaad ee qeybta A.
“Waxaan u ciyaarnay sifiican, waxaan dooneynay inaan guuleysanno wax kasta oo ay nagu qaadato, ma sahlaneyn inaad badiso kulankii labaad shan maalmood gudahood” ayuu tababaraha xulka Talyaaniga Roberto Mancini u sheegay TV-ga RAI.
Xulka Talyaaniga ee tababare Mancini ayaa doonaya inay markii labaad taariikhdooda sanadkan ku guuleystaan koobka qaramada qaaradda Yurub, iyadoo koobkan ay ugu dambeysay 1968.
Xigasho: AFP.
Facebook Forum