MUQDISHO —
Lix qof ayaa ku geeriyootay afar kalena wey ku dhaawacmeen qarax xalay i lagu bartilmaadsaday maqayaad ay dadka shacab ah ku fiidsanayeen oo ku taalla magaalada Muqdisho.
Afhayeenka ciidanka booliska Sadiq Cali Aadan ayaa sheegay in dadka geeriyooday uu ku jiro ilmo yar iyo qofkii ismiidaamiyay. Wararka ayaa sheegaya in ugu yaraan afar qof oo kale ay ku dhaawacmeen qaraxan.
Goobta qaraxu ka dhacay ayaa u dhoweyd wasaaradda Dhallinyarada iyo Ciyaaraha iyo saldhig boolis.
Warkan waxa muqdisho nooga soo diray wariyahayaga Cabdiqaadir Maxamed Cabdulle.
