Isku xirrada

War Deg-Deg ah

Dacwad ka dhan ah Netanyahu oo ka furantay Israel


Benjamin Netanyahu

Maxkamadeyn la xiriirta kiis musuqmaasuq ah oo ka dhan ah ra’iisul-wasaaraha Israel, Benjamin Netanyahu, ayaa furantay maanta oo Axad ah.

Waa ra’iisulwasaarihii ugu horreeyey ee Israeli ah oo wajahaya eedeymo danbiyeedyo ay kamid yihiin khayaano, jebinta kalsoonida iyo aqbalaadda laaluush.

Ra’iisulwasaaraha ayaa sidoo kale lagu eedeeyay in uu isbadal xagga sharciga ah u sameeyey xarun warbaahineed, taas bedelkeedana ay warbaahintaasi tebin doonto warar aan xanaf laheyn oo ku saabsan xafiiska ra’iisulwasaaraha.

Netanyahu, oo ah madaxa xisbiga dhanka midig ee Likud party, ayaa beeniyey dhammaan eedaha lagu soo oogay, isaga oo ugu yeeray dacwadda isaga ka dhanka ah wax ay soo dhoodhoobeen kooxaha dhanka bidixda.

Maxkamad ayaa bilaabatay hal toddobaad uun kadib markii Netanyahu loo dhaariyay xafiiska ra’iisulwasaarenimo markiisii shanaad oo ah wax aan horay uga dhicin Israel.

Netanyahu ayaan dooneyn inuu yimaado maxkamadda maanta oo Axad ah, laakiin Maxkamada Degmada Jerusalem ayaa toddobaadkii hore xukuntay in ay lama huraan tahay in ra’iisulwasaaruhu uu soo xaadiro fadhiga maxkamadda.

Facebook Forum

XS
SM
MD
LG