Kenya ayaa sanaddii 2015 billowday howl-gal argagixisada Al-Shabaab looga sifeynayo Kaymaha Boni ee Waqooyi Bari ee ku teedsan xuduudda Soomaaliya.
Howl-galka ayaa qorshuhu ahaa in dhowr bil gudahood lagu soo geba-gebeeyo, hase yeeshee – shan sano kadib – ciidamada ammaanka ayaa weli la xarbinaya inay soo afjaraan mintidiinta.
Dadka deegaanka ayaa ka cabsanaya inay aadaan kaymaha, waxaana weerarkii ugu dambeeyey ee Al-Shabaab ay ku qaadeen saldhigga Manda Bay ee ciidamada Mareykanka uu tusmeeyey amni-darrada weli ka jirta gobolka.
Haddaba maxaa loogu guuleysan la’yahay in Al-Shabaab laga sifeeyo xuduudda Kenya ay la wadaagto Soomaaliya. Waxaa warbixin uu ku eegayo kasoo diray Maxamed Yuusuf.
Waxaa soo jeedinaya Cabdi Xaafid Cawil Ismaaciil.