Isku xirrada

War Deg-Deg ah

Boqorkii dalka Oman oo geeriyooday


Boqorkii Saldanada Oman Qaboos bin Said al-Said

Wasiirka Dhaqanka ee dalka Oman Haitham bin Taariq ayaa loo dhaariyey hogaamiyaha Saldanada Oman ka dib markii uu geeriyooday Sultan Qaaboos oo ay ilmo adeer ahaayeen.

Qaaboos ayaa geeriyooday Jimcadii wuxuuna ahaa 79 jir. Waxa uu noqday hogaamiyaha ugu xukunka dheer ee dunida carabta isaga oo talada yimid sanadkii 1970-kii xilligaas oo uu afgenbiyey aabihiis.

Sultan Qaboos ayaa lagu waramay inuu muddo xanuunsanaa uuna la il-darnaa xanuunka kansarka.

Sultaanka ayaan guursan mana laheyn wax caruur ah ama walaalo xilka ka dhaxla, taasaana keentay in qofka isaga bedelaya laga soo xusho fadhi ay yeesheen qoyska boqortooyada.

Dastuurka Oman ayaa qaba in qoyska reer boqor ay haystaan saddex cisho oo ay ku qaataan go’aanka qofka hogaamin doona Saldanadda Oman, haddii ay ku guuldareystaanna waxa ay furi doonaan warqad xiran oo uu qoray Sultan Qaaboos uuna ku qoray magaca qofka isaga bedelaya.

Khubarada ayaa saadaalineysay in uu xukunka la wareegi doonno Asad Bin Taariq oo ay isna ilma adeer ahaayeen Sultan Qaboos, kaasi oo 2017-kii loo magacaabay ra’iisulwasaara ku xigeenka iyo wasiirka arrimaha debedda iyo xiriirka caalamiga ah ee dalkaasi.

Xigasho: AFP

Facebook Forum

XS
SM
MD
LG