Isku xirrada

War Deg-Deg ah

12 ka mid ah askarta Burundi oo lagu dilay Soomaaliya


Wakaaladda wararka ee AFP oo soo xiganaysa sarkaal u dhashay dalka Burundi ayaa sheegtay in 12 askari oo ka tirsan ciidamadooda AMISOM lagu dilay weerarkii Al-Shabaab ay ku qadaday ciidamada Burundi.

Weerarkan ayaa Sabtidii ka dhacay degaan dhinaca Waqooyi ka xiga magaalada Balcad.

Al-Shabaab ayaa dhinacooda sheegtay inay weerarkaas ku dileen 14 ka tirsan ciidamada Burundi.

Safaaradda Maraykanka ee dalka Burundi ayaa tweet ay dirtay waxay tacsi u dirtay qoysaska reer Burundi ee askartoodu ay ku dhinteen weerarka dhacay Sabtidii.

Maalintii shalayna, laba qarax oo kale ayaa lala beegsaday kolonyo ka tirsan ciidamada AMISOM, degaan u dhow magaalada Balcad.

Qaraxa mid ka mid ah ayaan khasaare gaysan, hase yeeshee qaraxa labaad oo dhacay gelinkii dambe ee shalay ayaa la sheegay inuu ku dhaawacmay askari ka tirsan ciidamada AMISOM.

Amniga jidka u dhexeeya Balcad iyo Jawhar ayaa si weyn u xumaaday sannadkii lasoo dhaafay iiyadoo maleeshiyada Al-Shabaab ay weerarro culus ka gaysteen jidkaasi, kuwaasi oo loo adeegsaday miinooyin iyo maleeshiyaad hubaysan oo weerar soo qaada.

Bishan gudaheeda ayaa la sheegay inay jidkaasi ay ka dhaceen ilaa 10 qarax, kuwaasi oo lala beegsaday ciidamada nabad ilaalinta AMISOM iyo kuwa dawladda Soomaaliya.

Isla maalintii Sabtidii ayaa weerar loo adeegsaday miino oo ka dhacay agagaarka degaanka Gololey oo Waqooyi ka xigta Balcad waxaa ku dhintay afar qof oo mid uu ahaa mas’uul ka tirsan maamulka HirShabelle.

Facebook Forum

XS
SM
MD
LG