Isku xirrada

War Deg-Deg ah

Saddex qarax oo is-miidaamin ah oo ka dhacay Nigeria


Ugu yaraan 30 qof ayaa lagu dilay saddex qarax oo la rumeysan yahay inay fulisay kooxda Boko Xaram oo ka dhacay waqooyiga bari ee dalka Nigeria, sida ay werisay hay’adda adeegga gurmadka deg degga ah ee dalkaas.

Saddex qof oo is-miidaamiyayaal ah ayaa xalay isku qarxiyey xaafadda Konduga oo 25km u jirta magaalada Maiduguri ee caasimadda gobolka Borno, sida uu sheegay guddoomiyaha xaafadda Bulama Kalli.

Qaraxyada ayaa waxay ka dhaceen hool ay taageerayaal ku daawanayeen kulan kubadda cagta ah.

Qof ka mid ah kuwa is-qarxiyey ayaa dibedda lagu celiyey hase yeeshee laba ka mid ah ayaa isku dhex-qarxiyey gudaha goobta lagu daawanayey cayaarta.

“Tirada dhimashada ee weerarada ayaa gaartay 30 qof. Waxaan sidoo kale haynaa 40 qof oo dhaawac ah” waxa asidaas yiri madaxa howl-gallada ee Hay’adda Maareyanta Xaaladaha Deg Degga ah ee Nigeria, Usman Kachalla.

Khasaaraha weerarka ayaa markii hore ahaa 17 dhimasho iyo 17 dhaawac ah.

Weerarka ayaa dhacay 9:00pm ee xilliga Nigeria, sida uu sheegay Cali Xasan oo ah hoggaamiyaha koox naftooda difaacda oo ku sugan magaalada.

Facebook Forum

XS
SM
MD
LG