Isku xirrada

War Deg-Deg ah

Militariga Sudan oo taageeray Sacuudiga


General Mohamed Hamdan Dagalo

Golaha millatari ee sida kumeel gaarka ah u xakuma dalka Sudan ayaa wacad ku maray in ay taageeri doonaan dalka Sacuudiga, haddii ay khatar kaga timaado dalka Iran oo ay Sacuudiga hadda ku xafiiltamayaan siyaasadda Bariga Dhexe.

Kaddib kulan uu Jimcihi maanta magaalada Riyadh kula yeeshay dhaxal-sugaha boqortooyada Sacuudiga Maxamed Bin Salman, ayuu General Mohamed Hamdan Dagalo, oo ah ku xigeenka taliska milatariga ee talada Sudan haya, sheegay in Sudan ay isgarab taagi doonto Sacuudi Caraibya, haddii ay weeraro ama khatar kasoo wajahahaan Iran ama maleeshiyaadka xuutiyiinta Yemen.

General Mohamed Hamdan, wuxuu sidoo kale ballan-qaaday in ciidanka milatariga Sudan uu kasii qeyb ahaan doono dagaalka ay Isbaheysiga uu Sacuudiga hogaamiyo ka wadaan Yemen, kaas oo ay ku rabaan in ay xiddidada ugu siibaan maleeshiyaadka Xuutiyiinta Yemen ee taageerada ka hela Iran.

Hadalka kasoo yeeray Golaha Milatariga Sudan, ayaa noqday kii ugu horreeyay ee ay kaga hadlaan siyaasaddooda dibadda, tan iyo marki ay xakunka ka tuureen, madaxweynihi hore ee dalkaasi general Omar al-Bashir bishii aanu kasoo gudubnay.

Facebook Forum

XS
SM
MD
LG