Allaha u naxariistee waxaa magaalada Toronto ee dalka Canada ku geeriyooday Cabdi Maxamed Ciye (Cabdidheere) oo ka tirsanaan jiray xulkii qaranka Soomaaliya iyo kooxdii Jeenyo ee cayaaraha Basketball-ka.
Cabdidheere oo ka mid ahaa cayaarotydii u qaxay Canada kadib dagaalladii sokeeye ayaa dhowr bil ku xanuunsanaa Toronto.
Wixii ka horeeyay xanuunkiisa wuxuu tababare u ahaa dhallinyarada Soomaalida iyo kuwa kale ee ajaaniibta ah ee xiiseeya cayaaraha basketball-ka ee magaalada Toronto.
Wariyaha VOA-da Canada Xuseen Nuur Xaaji ayaa geerida Allaha u naxariistee Cabdidheere ka wareystay Faarax Jaamac Nuur (Oday) oo saaxib la ahaa marxuumka.
Sidoo kale, wariyaha VOA-da Jaamac Buule Jaamac ayaa geerida Cabdidheere ka wareystay Siciid Jaamac Qoorsheel Iyo Axmed Daahir Axmed oo ay saaxibbo iyo cayaartooy hore isla ahaayeen.