Maamulka gobolka Hiiraan ayaa billaabay olole cusub oo lagula dagaallamayo maleeshiyada Al-Shabaab ee ku sugan deegaanno badan oo ka mid ah gobolka.
Ku simaha ahna guddoomiye ku xigeenka gobalka Hiiraan ee dhinaca Siyaasada iyo Amniga Maxamed Ibraahim C/llaahi oo wareysi siiyay VOA ayaa sheegay in ay deegaano ka tirsan Gobalka Hiiraan ka dhiseen Malayshiyo deegaanka ah oo la dagaallamaya Al-Shabaab.
Waxa uu sheegay in tani ay ugu wacan tahay ayada oo ciidamada AMISOM ee jooga gobolka Hiiraan aysan wada gaari karin dhammaan deegaannada gobolka ee Al-Shabaab ay ku sugan yihiin.
Maxamed Ibraahim waxa uu shaaca ka qaaday in howlgaladii ugu dambeeyey ee ay fuliyeen maleeshiyada deegaanka ay ku dileen 10 ka mid ah malayshiyada Al-Shabaab.
Wariyaha VOA-da Xuseen Xasan Dhaqane ayaa wareystay ku-simaha ahna guddoomiye ku xigeenka gobalka Hiiraan ee Dhinaca Siyaasada iyo Amniga Maxamed Ibraahim C/llaahi.
