Soomaalida ku nool dalka Sweden ayaa wada dedaallo ay kaga hortagayaan saamaynta rabshadaha kooxaha dhalinyarada ah dhex mara oo mudooyinkii danbe dalka Sweden ku soo kodhayay.
Maamulka mid ka mid ah magaalooyinka Soomaalidu ay ku badan tahay ayaa mas’uuliyiintoodu sheegeen inay ku guulaysteen in magaaladooda ay rabshaduhu hoos u dhacaan, islamarkaana ay sameeyeen barnaamij ay waalidiintu qayb ka yihiin si rabshadaha hoos loogu dhigo.
Abdi hakin Shirwac ayaa warbixintan ku eegaya waxyaabaha keena in dhalinyaradu ay kooxaha ku biiraan iyo dedaalada ay wadaan Soomaalidu.
