Soomaalida Canada oo dalbaday in caddaalad loo helo Cali Xuseen Jibriil oo meydkiisa la helay
Toronto —
Jaaliyadda Soomaalida ee gobolka Alberta ee dalka Canada ayaa laamaha ammaanka ee dalkaasi ka dalbanaya sidii uu caddaalad u heli lahaa Allaha u naxariistee Cali Xuseen Jibriil oo billowgii bishan meydkiisa laga helay magaaladaasi, kadib muddo ku dhow laba bil oo la la’aa marxuumka.
Allaha u naxariistee Cali Xuseen Jibriil ayaa lagu aasay magaalada Edmonton. Marxuumka ayaa ka tagay xaas iyo carruur.
Haddaba wariyaha VOA-da ee Canada Xuseen Nuur Xaaji ayaa arrimahan ka wareystay Cabdirisaaq Ismaaciil Cirro oo kamid ah hoggaamiyeyaasha Soomaalida ee gobolka Alberta.
