Canada: Dugsi sare oo loogu magac daray Hodan Naaleeye
Hodan Naaleeye
TORONTO —
Guddiga waxbarashada ee degmada York ee gobolka Ontario ee dalka Canada ayaa habeennimadii Talaadada ee 2-da bishan March, si rasmi ah u ansixiyay in dugsiga sare ee Vaughn (Vaan) loo baddelo magaca dugsiga sare ee Hodan Naaleeye.
Toban ka mid ah 12 xubnood ee gudigaas ayaa u codeeyey Hodan Naaleeye magaceeda in lagu bedelo kii hore uga jirey dugsiga sare ee-Vaan.
Hodan ayaa waxay aheyd gabar Somali Canadian ah, oo bishii July sanaddii 2019 lagu dilay weerar lagu qaaday hotel ku yaalla magaalada Kismaayo ee xarunta ku-meel gaarka ah ee Jubaland.
