Afhayeenka Ciidamada AMISOM, Barigye Bahujo ayaa beeniyay wararka sheegaya in ciidamado cusuboo ka socda dalka Uganda ay gaadheen magaalada Muqdisho.
Wararkan ayaa warbaahintu ka soo xigatay ku-xigeenka wakiilka gaarka ah ee Midawga Africa ugu qaabilsan dalka Somalia,Wafula Wamunyinyi . Major Bahuko ayaa sheegay in warkaasi si khalad ah ay warbaahintu u fahantay.
Bahuko, wuxuu sheegay inaan la qarin karin haddii ciidamo ka socda dalalka Africa ay tagaan Somalia,
Uganda ayaa ku balan qaadday in ay ciidamo dheeraad ah u soo dirayso dalka Somalia,kadib markii ururka Al-shabaab ay laba weerar oo is qarxin ah ay ka gaysteen magaalada Kampala ee xarunta wadanka Uganda bishii aynu ka soo gudubnay, qaraxyadaasi waxaa ku dhintay 76 qof.