Kooxda al-shabaab ayaa gacan iyo lug isdhaaf ah magaalada Jowhar kaga jartay saddex dhalinyaro ah oo ay ku eedeeysay inay dhac geysteen.
Dhalinyarada ay al-Shabaab xubnaha jartay waxaa magacyadooda lagu sheegay inay kala yihiin: Cabdulaahi Faarax Bakat,Xasan Macalim Faray, iyo Xasan Siyaad Maxamed.
Al-Shabaab ayaa sheegay in dhalinyaradaasi lagu eedeeyay inay dhac u geysteen gaari isaga ka yimid deegaanka Biyo Cadde, kuna sii jeeday deegaan kale oo lagu magacaabo Mir-Tuugo, kaasoo rakaabkii la socday la sheegay in laga qaatay 3,400,000 So Sh. (Saddex miliyan iyo afar boqol oo shilin) Soomaali ah.
Qaadi Maxkamadeed oo ka tirsan al-Shabaab ayaa goobta xubno goyntu ka dhaceysay ka sheegay in dhalinyaradaasi ay qirteen dambiga lagu soo eedeeyay.