Hawlgalka nabad ilaalinta Midowga Afrika ee Soomaaliya ayaa qirtay in laba ka mid ah askartooda lagu dilay weerar ay shalay kooxda al-Shabaab ku qaaday fariisin ay ku leeyihiin magaalada Muqdisho.
Afhayeen u hadlay ciidamada AMISOM Prosper Hakizimana ayaa VOA u sheegay in laba ka mid ah askartooda lagu dilay, afar kalena lagaga dhaawacay, ka dib markii ay is rasaaseeyeen koox ka tirsan al-Shabaab oo soo weerartay saldhig ay ku leeyihiin wadada Makka al-Mukarrama.