Shirweyne ay leeyihiin ururka Ahlu-Sunna Waljamaaca ee gobollada Dhexe ayaa maanta ka furmay degmada Cabudwaaq ee gobolka Galguduud. Afhayeen u hadlay ururkaasi ayaa VOA u sheegay in ururkaasi sidoo kale goob joog yihiin wakiilo ka socda urur goboleedka IGAD iyo Itoobiya.
Guddoomiyaha guddiga qaban qaabada shirkaasi korneyn Xuseen Maxamed Cosoble, ayaa VOA u sheegay in u jeedada kulankaasi ay tahay in looga dhowaaqo maamul mideeya Ahlu-Sunna ee gobollada Dhexe.