WELLINGTON —
Soomaalida ku nool dalka New Zealand ayaa waxaa heysta caqabado dhanka lacag-dirista ah oo ka dhashey kadib markii bankiyada waddankaas ay xisaabaadkooda ka xireen xawaaladaha Soomaalida.
Mas’uuliyiinta jaaliyadda Soomaalida ayaa sheegay inay dhowr jeer arrintan kala kulmeen dowladda New Zealand, balse aysan jirin wax xal ah oo arrintan laga gaaray.
Qaar ka mid ah Soomaalida ayaa lacagaha hadda marsiiyo Soomaalida ku nool dalka Australia ee deriska la eh New Zealand, si ay uga sii diraan, halka qaarkoodna ayba u guureen halkaas.
Warbixinta waxaa Melbourne wariyaha VOA ee Australia iyo New Zealand Ibrahim Cumar Baafo.
