Isku xirrada

AMISOM oo ka Hadashay Weerarkii Askarta looga Dilay


Francisco Caetano Jose Madeira

Wakiilka gaarka ah xogyaha gudiga Midowga Afrika u qaabilsan Soomaaliya, Francisco Madeira ayaa ciidamada AMISOM ee shaley lagu weeraray gobolka Shabeellada Hoose ugu hambalyeeyay Geesinimadooda.

Warsaxaafadeed uu maanta Muqdisho ka saasaarey ayuu ku sheegay in ay ciidamada wadeen shaqo maalmeedkooda iyaga oo sugayey amniga dariiqa u dhaxeeyo Muqdisho iyo Baraawe oo warsaxaafadeedka lagu sheegay in ay tahay wado sahayda ciidanka la mariyo.

Francisco Madeira ayaa warsaxaafadeedkan ku sheegay in 12 askari weerarki shaley looga diley, 7 kalena looga dhaawacay, kuwaas oo hadda caafimaadkooda lala tacaalayo.

Dhanka kalena, dowlada Mareykanka ayaa iyana dhaleecaysay isla weerarkan shaley ka dhacay deegaanka Golweyn ee gobolka Shabeellada Hoose.

Warsaxaafadeed ka soo baxay xafiiska arrimaha bulshada ee howlgalka Soomaaliya ee Mareykank, ayuu Raymond Stephens ku sheegay in ay codka Mareykanka ku biirinayaan Soomaaliya iyo dowladaha dariska ee aadka uga xumaaday weerarki shaley ay Al-Shabaab ku qaadeen ciidamada AMISOM.

Waxaa uu Raymond Stephens intaas raaciyey in dowladda Mareykanka ay adkeenayso balanqaadkeeda taageerada Soomaaliya si ay u dhaqan galiyaan Nabad iyo Horumar.

Facebook Forum

XS
SM
MD
LG