Isku xirrada

Korea-da Koonfureed oo Wada-hadal Usoo Jeedisay K/Waqooyi


Madaxweynaha Korea-da Koonfureed Moon Jae-in

Korea-da Koonfureed ayaa maanta soo jeedisay wada-hadallo milatari oo ay la gasho Korea-da Waqooyi, kuwaas oo ujeedadoodu tahay in lagu qaboojiyo xiisadda ka aloosan xuduuda labada dal.

Wasaaradda gaashaandhigga Korea-da Koonfureed ayaa sheegtay inay dooneyso in wada-hadallada maalinta jimcaha lagu qabto xaafadda xabad joojinta xuduudda ee Panmunjon.

Illaa iyo hadda ma jirto wax jawaab ah oo kasoo baxay Korea-da Waqooyi.

Haddii wada-hadallada ay dhacaan waxa ay noqon doonaan kuwii ugu horreeyey ee dhex mara labada dal tan iyo bishii December ee 2015.

Madaxweynaha Korea-da Koonfureed, Moon Jae-in ayaa xafiiska yimid bishii March, isaga oo u ololeynaya in si toos ah loola hadlo dowladda Korea-da Waqooyi.

Dhinaca kale hay’adda Laanqeyrta cas ee dalka Korea-da Koonfureed ayaa maanta ku baaqday in kowda August lagu qabto xaafadda Panmunjon kulankii dib loogu mideyn lahaa qoysaska ku kala nool labada dal ee uu kala gooyey dagaalkii Korea.

Facebook Forum

XS
SM
MD
LG