Suuqyada waa weyn ee magaalooyinka Hargeysa iyo Berbera ayaa maanta la xidhay, waxaana ganacsatada qaar ka mid ah suuqyadaasi ay isu-soo-bax ku muujiyeen cabasho ay ka qabaan sicir-barar in muddo ah isa soo tarayay.
Ganacsatada suuqyadan iyo dadweynaha danyarta ah ayaa sheegay in sicir-bararku ku keenay dhibaato baahsan.
Dhinaca kale, golaha wasiirada Somaliland oo kulan maanta arrintan ka yeeshay ayaa go'aamo ka soo saaray qodobbo ay sheegeen inay sabab u yihiin sicir-bararka oo ay ka mid tahay lacagta laysugu diro telefoonnada gacanta.
Weriyaha VOA Barkhad Maxamuud Kaariye ayaa warbixintan nooga soo diray Hargeysa.