Wararka ka imanaya Gobolka Shabeellada Hoose ayaa sheegaya in goor dhowayd ay weerar qaadeen ciidamada dawlada iyo kuwa Midowga Afrika ee AMISOM, weerarkaasi oo ay ku qaadeen degaanka Tooro-Toorow.
Degaankaasi ayaa la sheegay inuu saldhig u ahaa ururka Al-Shabab intii muddo ah.
Mas'uuliyiin ka tirsan dawladda oo magacooda ka gaabsaday kuna sugan Gobolka ayaa VOA u sheegay in ciidanka dawladda iyo kuwa AMISOM ay caawa ku sugan yihiin duleedka Tooro-Toorow.
Maleeshiyada ururka al-Shabab ayaa la sheegay inay ku jiraan beero ku wareegsan Tooor-Toorow.
Saacadaha soo socda ayaa la filayaa in ciidanku ay la wareegaan Tooro-Toorow oo ahayd saldhig ay ka soo duulaan Al-Shabab.