Magaalada Beledweyne ee gobolka Hiiraan waxaa ka dhacay dagaal beeleed kaas oo sababay dhimashada illaa 7 qof halka dhaawacuna kor u dhaafay illaa 36 qof.
Agaasimaha Cusbitaalka Beledweyne Axmed Maxamed Khaliif ayaa VOA u sheegay in dhaawac kala duwan la soo gaadhsiiyey cusbitaalkooda isla markaana ay qalliin u sameeyeen illaa afar ka mid ah.
Weriyaha VOA ee Beledweyn ayaa ku soo waramaya in dagaalkani salka ku hayo xiisado hore u taagnaa deegaanka.