Saturday, November 22, 2014 Wakhtiga Geeska Afrika 20:36

War / Caalamka

QM: Waxaan Baareynaa Weerarada Droneska

x
Mohamed Olad
Qaramada Midoobay ayaa baaris ku bilowday adeegsiga weerarada cirka ee ay fuliyaan dayuuradaha Droneska ee aan cidina wadin, iyo dilalka qorsheeysan ee la xiriira howlgalada argagixiso la dirirka ah.
 
Talaabadan, oo looga dhawaaqay Khamiistii shalay Magaalada London , ayaa waxaa lagu baari doonaa 25 weerar oo ka dhacay dalalka Pakistan,Yemen, Somalia, Afghanistan iyo Dhulka Falastiin.
 
Sidoo kale baaristu waxey xoogga saari doontaa dilalka dadka rayidka ah iyo dhaawacyada ka soo gaara duqeymaha Droneska.
 
Baaristan ayaa waxaa fulin doona Qareen u dhashay dalka Britain oo la yirahdo Ben Emmerson, oo ah ergayga gaarka ee Qaramada Midoobay ee la dagaalanka Argagixisada iyo xuquuqul insaanka.
 
Weerarada Droneska ayaa badankood waxaa fuliya Mareykanka, inkastoo ay Israel sidoo kale adeegsatay, oo dalal kalena ay heystaan dayuuradaha noocaasi ah.
 
Pakistan ayaa ka mid ah sadex dal oo codsaday in baarista noocan ah la sameeyo, iyadoo horey u dhaleeceeysay weeraro uu mareykanka ka fuliyay bar tilmaameedyo ku yaala xuduuda dalalka Pakistan iyo Afghanistan.

Qubanaha VOA

  • Idaacadda Fiidnimo
    60 min

    Idaacadda Fiidnimo

    Idaacadda Fiidnimo ee Evening Edition waxaad ku maqashaan wararkii ugu danbeeyey...

  • Idaacadda Galabnimo
    60 min

    Idaacadda Galabnimo

    Idaacadda Galabnimo waxaad ku maqashaan wararka ugu danbeeya ee caalamka,...

  • Idaacadda Subaxnimo
    30 min

    Idaacadda Subaxnimo

    Idaacadda Subaxnimo ee Saaka iyo Caalamka waxaad ku maqashaa wararkii...

  • Idaacadda Habeenimo
    60 min

    Idaacadda Habeenimo

    Idaacadda habeenimo ee Evening Edition waxaad ku maqashaan wararkii ugu danbeeyey...