Wednesday, November 26, 2014 Wakhtiga Geeska Afrika 17:53

War / Maraykanka

Madaxweyne Obama oo la Caleemo-saarey

x
Madaxweynaha Mareykanka Barack Obama ayaa maanta meel fagaare ah loogu dhaariyey xilka madaxweynaha isagoo markii labaad hogaamin doona dalka Maraykanka.
 
Boqolaal kun oo dad ah ayaa isugu soo baxay maanta oo Isniin ah fagaaraha loo yaqaano National Mall ee magaaladan Washington. Madaxweynaha oo uu dhaaariyey madaxa cadaalada ee Maraykanka John Roberts ayaa waxa u sacaba tumay boqolaal kun oo Mareykan ah kuwaasi oo fagaaraha isugu soo baxay, waxa ayna ruxayey calanka Maraykanka.
 
Madaxweyne Obama ayaa balanqaaday inuu inta awooddiisa ah ilaalin doono isla-markaana uu difaaci doono dastuurka dalka.
 
Goor hore oo maanta aheyd ayaa Mr. Obama waxa uu cibaadeysi ahaan u tagay kaniisad ku taalla magaalada Washington, deetana waxa uu aaday dhinaca galbeed ee Aqalka Capitol Hill, halkaas oo si rasmi ah dadka hortooda loogu dhaariyey.
 
Dadka isugu soo baxay fagaaraha National Mall ayaa waxaa lagu  qiyaasay inay kor u dhaafeen (800,000) sideed boqoloo kun oo qof, dadka fagaaraha hareeyey ayaa waxa ay ruxayeen calanka Maraykanka, iyagoo goob joog ka ahaa xafladda caleema saarka Madaxweyne Obama. Sanadkan ayaa tirade ka soo qeyb gashay xafladda caleemasaarka waxay ka yareyd tiradii dadkii isugu yimid xafladdii sanadkii 2009kii ee Obama xafiiska loogu dhaariyey, iyadoo tirada waqtigaas isu soo baxdayna lagu qiyaasay inay aheyd ku dhawaad laba milyan oo qof.

Qubanaha VOA

  • Idaacadda Galabnimo
    60 min

    Idaacadda Galabnimo

    Idaacadda Galabnimo waxaad ku maqashaan wararka ugu danbeeya ee caalamka,...

  • Idaacadda Subaxnimo
    30 min

    Idaacadda Subaxnimo

    Idaacadda Subaxnimo ee Saaka iyo Caalamka waxaad ku maqashaa wararkii...

  • Idaacadda Habeenimo
    60 min

    Idaacadda Habeenimo

    Idaacadda habeenimo ee Evening Edition waxaad ku maqashaan wararkii ugu danbeeyey...

  • Idaacadda Fiidnimo
    60 min

    Idaacadda Fiidnimo

    Idaacadda Fiidnimo ee Evening Edition waxaad ku maqashaan wararkii ugu danbeeyey...