Isku xirrada

War

Xubin Sare oo kasoo Goosatay Ururka Alshabab


Wiil uu dhalay Sheekh Yuusuf Kaba-kutukade oo ah sarkaal sare oo ka tirsan ururka Alshabab ayaa isu soo dhiibay ciidamada Ammaanka ee DKMG ee Somalia. Ninkan oo lagu magacaabo Axmed Yuusuf Kaba-kutuke ayaa sheegay in uu cafis weydiisanayo dadka Soomaaliyeed, isaga oo sheegay in arrintan uu ku jiray ahayd mid wanaagsan, markii dambase wadadeedii laga weeciyey.

Saraakiisha ciidanka nabad sugidda DKMG ayaa sheegay in ay dadaal ku bixiyeen sidii Axmed Yuusuf Kaba kutukade loogu qancin lahaa inuu isa soo dhiibo.

Dhinaca kale, markii ugu horeysay muddo sanado ah ayaa dadka ku nool magaalada Muqdisho iyo hareeraheedu waxay ka xoroobayaan borobogaanadadiii uga iman jirtay kooxda Alshabab. Radio Andalus oo ahaa raadiyo uu ururka Alshabab lahaa, kaasoo ka jiray meel muqdisho u dhow, ayaa hawada ka baxay markii ciidamadda Midowga Afrika ay goobtii uu ku yaallay qabsadeen maalintii Talaadadii.

Warbixinno arrimahaas ku saabsan hoosta ka dhageyso.

XS
SM
MD
LG