Gabrielle Giffords oo ka tirsan aqalka wakiillada Maraykanka ayaa toogasho lagu dhaawacay dhaawacay gobolka Arizona ee dalka Maraykanka.
Giffords ayaa madaxa laga toogtay xilli ay la hadlaysay dadka degan xaafadda laga soo doorto ee magaalada Tucson ee gobolka Arizona.
Wararku waxay sheegayaa in sidoo kale weerarkaasi lagu dhaawacay qaar ka mid ah shaqaalaheeda. Saraakiishu waxay sheegeen in ugu yaraan 12 qof lagu dhaawacay toogashadaasi.
Wali ma cadda xaaladda caafimaad ee ay ku sugan tahay Giffords iyadoo haatan ku sugan tahay Hospital ku yaala gobolka Arizona.
Gabrielle Giffords waxay ka tirsan tahay xisbiga Dimoqraadiga.
Magaalada Tucson ee haweenaydan lagu toogtay ayaa waxay 130 u jirtaa xadka Maraykanku la leeyahay dalka Mexico.
Lama oga sababta rasmiga ah ee ka danbeysa weerarkan.