Ugu yaraan 10 qof ayaa ku dhimatay dagaal maanta deegaanka Warsheekh ku dhexmaray dad xoolo dhaqato ah iyo maleeshiyo ka tirsan ururka al-Shabaab.
Maleeshiyada al-Shabaab iyo dadka xoolo dhaqatada ah ayaa dagaalamay ka dib markii al-Shabaab ay faragelin ku sameysay muran u la xiriira dil oo u dhaxeeyay xoolo dhaqatada dhexdeeda.
Al-Shabaab ayaa ku amartay xoola dhaqatadu inay u soo gacan geliyaan nin horey dil u geystay ee xoolo dhaqatada ka tirsan, hase yeeshee xoolo dhaqatada ayaa ka biyo diidday amarkaasi, hal dhinacna uga soo jeestay maleeshiyadii al-Shabaab.
Dadka dhintay 6 ka mid ah waxaa la sheegay inay ka tirsan yihiin maleeshiyada al-Shabaab, halka 4ta kalena ay yihiin xoolo dhaqato.
Dagaalka ayaa iskiis u qaboobay, waxaana dad goob joogayaal ah ay VOA u sheegeen in laga yaabo in mar kale uu dagaalku qarxo, ka dib markii kooxda al-shabaab ay gurmad dalbatay.
Weli al-Shabaab wax war ah kama ay soo saarin dagaalkaasi.