In ka badan 18 ruux ayaa la xaqiijiyay inay ku dhinteen qarax ismiidamin ah oo galabta ka dhacay meel u dhow Hotel Muna ee magaalada Muqdisho.
Qaraxan ayaa waxaa lagu fuliyay baabuur walxaha qarxa laga soo buuxiyay oo uu waday qof isa-soo miidaamiyay.
Dad badan ayaa ku dhaawacmay qaraxan oo ay ku jiraan saddex ka tirsan mudanayaasha baarlamaanka Soomaliya.
Kooxda Al-Shabaab ayaa sheegatay mas'uuliyadda qaraxa maanta.
Hotel Muna waxaa sannadkii 2010-kii bishii August ka dhacay qarax ismiidaamin ah iyo weerar wadajir ah oo ay geysteen dad isa-soo miidaamiyay, waxaana weerarradaasi ku dhintay 32 qof oo ay ku jiraan 6 mudane oo ka tirsan baarlamaanka Soomaaliya.