Wasaaradda warfaafinta ee Puntland ayaa dib u fasaxday xafiisyada TV-yada Universal iyo Hon Cable ee magaalada Boosaaso, kuwaasoo shalay uu maamulka degmada Boosaaso xayiraad ku soo rogay.
Wasiir ku xigeenka warfaafinta Cabdullaahi Aswad oo shir jaraa'id ku qabtay magaalada Garowe ayaa sheegay inaan loo dulqaadan karin in si khalad ah loo xannibo xafiiska warbaahinta ka hawlgasha Puntland.
Wuxuu sheegay inuu garowsaday cabashada duqa degmada Boosaaso Maxamuud Beeldaaje.
Wasiir ku xigeenka ayaa ku baaqay inaan saxaafadda la xakameyn karin, wixii cabasho ahna wasaaraddiisa lagala hadlo.