MUQDISHO —
Maleeshiyaad ka tirsan kooxda Al-Shabaab ayaa gudaha u galay deegaanka Galcad ee hoostimaada degmada Ceeldheer ee gobolka Galgaduud.
Maleeshiyaadkan ayaa deegaanka gaaray kadib markii ciidamda Dowladda iyo kuwa Ethopia ay deegaanka iskaga baxeen saakay.
Dadka deegaanka ayaa u sheegay VOA in afar qof oo deegaanka ah ay Al-Shabaab ay dileen kuwaasi oo ilaale ka ah shirkado ganacsi oo deegaanka ku yaalay.
Illaa iyo hadda lama yaqaan sababta ay Al-Shabaab si gaar ah ugu beegsatay afartan qof oo ay u dishay.
Warbixintan waxaa noo soo diray weriyaha VOA ee Muqdisho Cabdulqaadir Maxamed Cabdulle.