Isku xirrada

War

Galkacayo: Gal-Mudug oo Qisaas Fulisay


Galkacayo: Gal-Mudug oo Qisaas Fulisay

Galkacayo: Gal-Mudug oo Qisaas Fulisay

Ninka la qisaasay waxaa la oran jiray Maxamed Daahir Maxamed, waxaana lagu helay inuu horey nin ganacsade ah ugu dilay Hobyo.

Maamulka Gal-Mudug ayaa xukun qisaas ah ku fuliyay gacan ku dhiigle lagu eedeeyay inuu horey dil u geystay.

Gacan ku dhiiglaha la qisaasay oo la oran jiray Maxamed Daahir Maxamed ayaa la toogtay ka dib markii maxkamadda sare ee maamulka Gal-Mudug ay ku caddeysay inuu 20-kii bishii February uu degmada Hobyo ku dilay, ganacsade Maxamed Cabdi Jaamac (Xabeeb).

Qisaasta ayaa ka dhacday fagaaraha Shibaax ee koonfurta Gaalkacayo,waxaana goob joog ka ahaa Madaxweynaha maamulka Gal-Mudug, Maxamed Axmed Caalin, Jeneral Cabdi Xasan Cawaale (Qeybdiid) taliyihii hore ee ciidamada booliska Soomaaliyeed iyo dadweyne aad u tiro badan.

Dhanka kale, labo qof ayaa ku dhimatay, saddex kalena waa ay ku dhaawacmeen rasaas lagu furay gaari, deegaanka Gelinsoor ee gobolka Mudug.

XS
SM
MD
LG