Qaramada Midoobay ayaa sheegtay inay u baahan tahay $530 milyan oo doolar si ay ugu bixiso hawlaha gargaarka Soomaaliya ee sanadka soo socda. UN-ka ayaa sidoo kale sheegay in lacagtaasi ay 23% ka hooseeyso tii ay sanadkii hore dalbadeen.
Haddaba barnaamijkeena Faaqidaadda Toddobaadkan waxaan ku eegaynaa dalabka lacagtaasi iyo waliba sida loo kharashgareeyo lacagaha lagu soo helo gar-gaarka bini'aadanimo ee loo fidinayo Somalia.
Barnaamijkan waxaa ka qeybgalay oo arrimahaasi ka dooddaya.
-Prof. C/llaahi Sheekh Cali oo wasiirru-dowlaha qorsheynta iyo iskaashiga caalamiga ka soo noqday DKMG, wuxuuna ku sugan yahay magaalada Nairobi.
-Prof. C/risaaq Maxamed Cali oo lataliye u ah wasaaradda qorsheynta ee maamulka Puntland, wuxuuna ku sugan yahay Garoowe.
-C/llaahi Sheekh Xasan oo guddoomiye u ah xizbiga nabadda iyo dimoqraadiyada ee Somalia, wuxuuna ku sugan yahay London.