Isku xirrada

Doorashada USA Oo Iowa Ka Billaabanaysa


Codbixintii ugu horreysay ee doorashooyinka horudac ah ee xisbiyada Mareykanka ayaa maanta laga dhiibanayaa gobolka Iowa.

Kadib bilo kulamo, khudbado iyo doodo ah, ayaa doorahsooyinka horudhaca ah ee xisbiyada Mareykanka waxa ay si rasmi ah u billaabanayaan maanta, marka dadka gobolka Iowa ay codadkooda dhiibtaan.

Codadkii ugu dambeeyey ee ra’yiga ayaa muujinaya in tartanka labada xisbiba ay Jamhuuriga iyo Dimoqraadigaba ay yihiin kuwa aad la isugu dhow yahay.

Dhinaca xisbiga Jamhuuriga, ninka ka ganacsa hantida ma guurtada ah ee Donald Trump ayaa shan dhibcood ka horeeya senator-ka gobolka Texas, Ted Cruz, oo u muuqda inuu qaladaad sameeyey ka hor kulmada doorashooyika ee Iowa.

Dhinaca xisbiga Dimqoraadiga, ayaa tartanka uu u muuqda mid ay siman yihiin xoghayihii hore ee arrimaha dibedda Mareykanka Hillary Clinton iyo senator-ka gobolka Vermont laga soo doorto Bernie Sanders, oo isku qeexa hanti-wadaag dimoqraadi ah.

Doorashada Iowa waxaa xigi doona tan gooblka New Hampshire oo ay si aad ah ugu horreeyaan Donald Trump oo dhinaca Jamhuuriga hoggaaminaya iyo Bernie Sanders, oo ku horreeya tan dimoqraadiga.


XS
SM
MD
LG