Ciidamada Midowga Africa ee AMISOM ayaa sheegay in baadhitaan ay sameeyeen lagu ogoaaday in afar askari oo ka tirsan ciidamada Burundi ay mas’uul ka ahaayeen dilkii weriye Malaysia u dhashay oo lagu magacaabo Noramfaizul Mohd Nor oo bilowgii bishan lagu dilay magaalada Muqdisho.
Afhayeenka ciiidamada Midowga Afrika ee AMISOM, Paddy Akunda ayaa VOA u sheegay in afartan askari ay ku lug lahaayeen dilka weriyaha isla markaana shaqada laga fadhiisiyay laguna maxkamadeyn doono dalka Burundi.
Weriyahan ayaa Muqdisho lagu dilay 2-dii bishan September xilli uu ka warramayay hay’ad Malaysia ka socoto oo gargaar u siday dadka abaaruhu saameeyeen ee ku nool magaalada Muqdisho.