WASHINGTON, D.C. —
Laba Ruux oo mid uu yahay 62 jir ayaa lagu dilay tuulada Buulo Xaawo oo hoos tagta degmada Bardaale ee gobolka Baay.
Guddoomiyaha degmada Bardaale Weediyow Cali Xasan, ayaa VOA-da u sheegay in kooxda Al-Shabaab ay ka dambeysay dilalkan.
Weediyo, waxa uu intaas ku daray in odayga 62-jirka ah ay maleeshiyada kooxda Al-Shabaab kala baxeen gurigiisa, kadibna ay gowraceen.
Waxa kale oo uu ku warramay in dad badan oo ka cabsi qaba in maleeshiyada Al-Shabaab ay dhibaateeyeen ay kasoo carareen tuulada Buulo Xaawo, ayna soo galeen gudaha degmada Bardaale.
