Isku xirrada

War

Burcad-badeedda oo markab kaluumaysi afduubtay


Burcad-badeed Hubeysan

Burcad-badeed Hubeysan

Burcad-badeed Soomaali ah ayaa afduubtay markab kaluumaysi oo laga leeyahay Spain, balse wata calanka dalka Kenya.

Illo ku dhow howlaha maraakiibta ayaa maanta oo salaasa ah sheegay in burcad-badeedu ay galbeedka badweynta hindiya ku qabsadeen markabkan oo lagu magacaabo FV Sakoba.

Baaxadda markabkaasi iyo shaqaalaha saran cidda ay u dhasheen ayaan ilaa haatan la ogeyn, balse ciidamada la dagaalama burcad-badeeda ee Midowga yurub ayaa sheegay in markabkaasi uu haatan ku sii wajahan yahay magaalada Xarardheere oo ah saldhig ay burcad-badeeddu dagan yihiin.

Ciidamada Midowga Yurub ayaa kordhiyay dadaalkooda ay ku carqaladeynayaan howlaha burcad-badeedda, waxayna sheegeen in tan iyo jimcihii ay qabteen 40 burcad-badeed iyo laba markab oo nooca waaweyn ah oo ay burcad-badeeddu weerarada ka qaadaan.

War qoraal ah oo maanta oo salaasa ah ay ciidamada Midowga Yurub soo saareen ayay ku cadeeyeen in weerarada burcad-badeeddu ay u muuqdaan kuwa sii socon doona.

XS
SM
MD
LG