Maleeshiyada Al-Shabab ayaa xalay madaafiicda hoobiyaha ku weeraray magaalada Buulobarte ee Gobolka Hiiraan.
Goobjoogayaal ku sugan magaalada ayaa VOA u sheegay in hoobiyayaasha aysan cidna waxba ku noqon.
Ciidamada Jabuuti iyo kuwa dawladda Soomaaliya ayaa la sheegay inay ku baxeen degaanno ku dhow magaalada oo lagu tuhunsanaa in Al-Shabab ay hoobiyayaasha kasoo tuureen.
Isgaarsiinta oo hawada ka maqnayd maanta ayaa haatan dib usoo laabatay, sidoo kale waxaa magaalada saaka ka degay diyaarado kuwa ganacsiga ah.