Isku xirrada

Kuuriyada Waqooyi oo Gantaal Kale Tijaabisay


Korea-da Woqooyi ayaa sameysay ugu yaraan hal tijaabo ganaatalada riddada dheer ah, maalmo kadib markii Mareykanka uu cunaqabteyn cusub kusoo rogay dalkaas dunida inteeda kala ka go’doonson.

Korea-a Koonfureed ayaa sheegtay in gantaalkan uu socday 800 oo KM ka hor inta uusan ku dhicin xeebta bari ee Korea-da Woqooyi, jimcihii.

Korea-da Koonfureed waxa ay sheegtay inay si dhow ula socoto xaaladda.

Sarkaal ka tirsan gaashaandhigga Mareykanka ayaa sheegay in Mareykanka uu daba-gal ku sameeyey laba tijaabo gantaalada riddada dheer ah oo Korea-da Woqooyi ay sameysay.

Madaxweyne Barack Obama ayaa arbacadii saxiixay amar cunaqabateyn cusub kusoo rogaya xukuumadda Pyongyang, taasi oo looga jawaabayey tijaabooyinki gantaal ee ugu dambeeyey oo ay sameysay.

XS
SM
MD
LG