Isku xirrada

Madaxweyne Xasan Oo Eedeeyey Caalamka


Xasan Sheekh Maxamuud

Xasan Sheekh Maxamuud

Madaxweynaha waxa uu sheegay in caalamka uusan dhaqaale siin dowladda, taas oo ay jirtana ay ku eedeeyaan musuqmaasuq.

Madaxweynaha Soomaaliya Xasan Sheekh Maxamuud ayaa maanta ku eedeeyey hay’adaha gargaarka iyo beesha caalamka inaysan dhaqaale siinin dawladda Soomaaliya.

Madaxweynaha oo ka hadlayay munaasabad loogu magaic daray “Xoojinta hay’adaha dowladda iyo sare u qaadidda sumcadda dhaqaale ee Soomalaiya” ayaa sheegay in dhaqaalaha caalamka uu ku bixiyo Soomaaliya uu yahay mid aan muuqan.

Madaxweynaha waxa uu sidoo kale sheegay in hay’adaha gargaarka ay xitaa mashaariicda qaarkod ee Soomaaliya iyagu maamulaan, taas oo ay jirtana ay dowladda ku eedeeyaan musuqmaasuq.

Xasan Sheekh waxa uu sheegay in xitaa askariga ka tirsan ciidamada dowladda aan mushaarka loogu dhiibin dowladda, oo ay hay’adaha shisheeye ayaga siiyaan.

Warbixintan waxaa Muqdishu nooga soo diray Jacfar Kuukaay.

XS
SM
MD
LG