Isku xirrada

Baabuur Gargaar Oo Lagu Weeraray Syria


Qariirad muujineysa deegaanka Bab al-Salam, Siiriya

Qariirad muujineysa deegaanka Bab al-Salam, Siiriya

Sarkaal ka tirsan wasaaradda gaashaandhigga Mareykanka ayaa sheegay in Pentagon ay si hoose u socoto wararka sheegaya in kolonyo gargaar bini aadannimo waday gantaal lagu dhuftay Arbacadii meel u dhow magaalada Azaz ee dalka Siiriya, halkaas oo lix KM u jirta xadduudda Turkiga.

Reuters, ayaa muuqaal ah soo saartay muujinaya in kolonyo gargaar ah oo uu dab qabsaday, kadib markii uu gantaal ku dhacay kolonyadaasi meel u dhow xadka looga gudbo Bab al Salaam.

Ururka xaquuqul insaanka qaabilsan ee Siiriya, ayaa sheegay in la rumeysan yahay in dayaaradaha dagaalka ee Ruushka ay weerarkaasi geysteen.

Sarkaal u hadlay wasaaradda gashaandhigga Mareykanka, ayaa sheegay in ciidamada isbaheysiga ee uu Mareykanku hor kacayo aysan wax duqeymo ah geysan 24-kii saac ee la soo dhaafay, waxana uu sheegay inay sii wadaan inay si qoto dheer ula socdaan xaaladaha, si loo xaqiijiyo waxa dhab ahaan ka dambeeya dhacdadaasi.

XS
SM
MD
LG